Donald Tramp NATO sammiti çərçivəsində Volodimir Zelenski ilə görüşməyi gözlədiyini bildirir

 
ABŞ Prezidenti Donald Tramp NATO sammiti çərçivəsində Ukrayna Prezidenti Volodimir Zelenski ilə görüşməyi gözlədiyini bildirib.

Jurnalistin Ukrayna Prezidentinə nə deyəcəyi haqda sualına Donald Tramp cavab verib: “Deyəcəm, necəsən? O, çətin vəziyyətdədir. Heç vaxt o vəziyyətə düşməməli idi”.

Bununla yanaşı, Donald Tramp Vladimer Putinlə son telefon danışığını şərh edib.

“Bildiyiniz kimi, Vladimer mənə zəng etdi. O dedi: “İranla bağlı sənə kömək edə bilərəmmi?” Dedim: “Xeyr, mənim İranla bağlı köməyə ehtiyacım yoxdur. Mənim səninlə köməyə ehtiyacım var.” Ümid edirəm ki, Rusiya ilə sövdələşmə əldə edə bilərik” – Donald Tramp bildirib.

ABŞ Prezidenti deyib ki, onun administrasiyası şəraitində Ukraynada müharibə baş verməzdi.

“Biabırçılıqdır. Ötən həftə 6 000 əsgər həlak oldu. Daha çox, 6 500 əsgər ötən həftə həlak oldu. Rusiya, Ukrayna – mən prezident olsaydım heç vaxt baş verməyəcək müharibə” – Tramp bildirib.