Donald Tramp – Meksikanın Prezidenti onun ölkəsindən keçməklə Amerika Birləşmiş Ştatlarına miqrasiyanı dayandırmaq və cənub sərhədimizi effektiv şəkildə bağlamaqla razılaşdı

 
Amerika Birləşmiş Ştatlarının seçilmiş prezidenti Donald Tramp Meksikanın Prezidenti Klaudia Şaibaum ilə telefon danışığı aparıb.

Trampın sosial şəbəkədə yazdığı kimi, Klaudia Şaibaum cənub sərhədinin bağlanması ilə razılaşıb.

“Meksikadan keçməklə Amerika Birləşmiş Ştatlarına miqrasiyanı dayandırmaq və cənub sərhədimizi effektiv şəkildə bağlamaqla razılaşdı” – Tramp yazıb.

Meksikanın Prezidenti tezliklə ona cavab verdi və qeyd etdi ki, Meksikanın mövqeyi sərhədləri bağlamaq deyil, insanların hüquqlarını qorumaqla miqrasiya problemini həll etməkdir.

Həmçinin, Şaibaum sosial şəbəkədə Trampla əla söhbət etdiyini yazdı.

“Biz Meksikanın miqrasiya fenomeni ilə əlaqədar strategiyasını müzakirə etdik” – Meksikanın Prezidenti yazıb və qeyd edib ki, şimal sərhədində miqrant axını yoxdur, çünki Meksikada “onların qayğısına qalırlar”.