Medianın məlumatına əsasən, ABŞ Prezidenti Donald Tramp Kanadada Böyük Yeddiliyin sammitində Ukrayna Prezidenti Volodimir Zelenski ilə görüşməyi planlaşdırır.

“Evropeyskaya Pravda”nın alman mediasına istinadən yazdığı kimi, bu məlumatı Kanadada sammit başlamazdan əvvəl ABŞ hökumətinin nümayəndələri təsdiqləyiblər.

“ABŞ Prezidenti Donald Tramp ikitərəfli danışıqlar aparmaq üçün Ukrayna Prezidenti ilə görüşməyi planlaşdırır” – media tərəfindən yayılmış məlumatda deyilir.

Məlum olduğu kimi, Volodimir Zelenski Kanadaya sabah, iyunun 17-də getməlidir.

Ağ Evin məlumatına əsasən, Tramp həmçinin Meksika Prezidenti Klaudia Şeinbaumla da görüşməyi planlaşdırır.

Məlumat üçün bildirək ki, Tramp və Zelenski sonuncu dəfə aprelin sonunda Roma Papası Fransiskin dəfn mərasimində təkbətək görüşüblər.