ABŞ Prezidenti Donald Tramp İranla hərbi əməliyyatların uğurla getdiyini bildirib.

“Hazırda onlar donanmalarını, hava qüvvələrini itiriblər, ümumiyyətlə hava hücumundan müdafiə sistemləri yoxdur, radarları yoxdur, liderləri yoxa çıxıblar” – Tramp qeyd edib.

Bununla yanaşı, Donald Tramp “New York Times” qəzetinin məqaləsinə şərh verməkdən imtina edib. Məqaləyə əsasən, hərbi araşdırma nəticəsində Amerika Birləşmiş Ştatlarının ən azı 168 şagird və 14 müəllimin həlak olduğu İrandakı qızlar məktəbinə edilən hücumda məsuliyyət daşıdığı müəyyən edilib.

“Mən bu barədə heç nə bilmirəm” – Tramp bildirib.

Ağ Evin sözçüsü isə hərbi araşdırmanın hələ də davam etdiyini qeyd edib.

Həmçinin, Amerika Birləşmiş Ştatlarının Prezidenti neft şirkətlərini Hörmüz boğazında əməliyyatları davam etdirməyə çağırıb. O, ABŞ hərbi qüvvələrinin İran gəmilərinin əksəriyyətini məhv etdiyini və “onlardan təxminən 60-ının dənizin dibində olduğunu” bildirib.