ABŞ Prezidenti Donald Tramp danışıqlar üçün İrandan onunla əlaqə saxlanıldığını bildirir.

“Dünən mənə zəng etdilər. İran danışıqlar üçün zəng etdi. İranın liderləri danışıqlar aparmaq istəyirlər. Düşünürəm ki, onlar Amerika Birləşmiş Ştatları tərəfindən zərbələrdən beziblər. İran bizimlə danışıqlar aparmaq istəyir” – Tramp jurnalistlərə deyib.

Daha əvvəl Tramp İranda iğtişaşların eskalasiyasına cavab vermək üçün müxtəlif variantları, o cümlədən mümkün hərbi variantları nəzərdən keçirdiyini bildirib. Həmçinin, Tramp milyarder İlon Maskla İranda internetin bərpası haqqında danışmağı planlaşdırdığını qeyd edib.

İranda nümayişlər 15-ci gündür davam edir. ABŞ-nin İnsan Hüquqlarının Müdafiəsi Mərkəzinin son məlumatlarına əsasən, İrandakı etiraz aksiyalarında ən azı 544 nəfər həyatını itirib. Bununla yanaşı, İran əhalisinin əksəriyyətinin 84 saatdan çoxdur internetə çıxışı yoxdur.