Donald Tramp, Co Bayden, Barak Obama, Corc Buş və Bill Klinton Vaşinqtonun Milli Kafedral Məbədində Cimmi Karterlə vida mərasimində iştirak edirlər

Beş ABŞ prezidenti – indiki prezident Co Bayden, seçilmiş prezident Donald Tramp, həmçinin sabiq prezidentlər Barak Obama, Corc Buş və Bill Klinton Vaşinqtonun Milli Kafedral Məbədində ABŞ-ın sabiq prezidenti Cimmi Karterlə vida mərasimində iştirak edir. Həmçinin, Vaşinqtonun Milli Kafedral Məbədində keçirilən mərasimdə indiki vitse-prezident Kamala Harris də iştirak edir. BMT-nin baş katibi Antonio Quterreş də mərasimdə iştirak edir.

Məbədə daxil olarkən Donald Tramp onun administrasiyasının sabiq vitse-prezidenti, 2024-cü ildə respublikaçıların praymerizində Trampa qarşı mübarizə aparan Mayk Penslə əl sıxıb.

Vaşinqtonda Cimmi Karterlə vida mərasimində Castin Trüdo da iştirak edir.

Karterin cənazəsi bir həftə davam edən mülki yas mərasiminin keçirildiyi Kapitolidən Vaşinqtonun Milli Kafedral Məbədinə gətirilib. Cimmi Karter dekabrın 29-da 100 yaşında vəfat edib. O, 1977-1981-ci illərdə, bir səlahiyyət müddəti ilə Demokrat Partiyasından prezident vəzifəsini tutub. Vaşinqtondan sonra vida mərasimi Corcia ştatında davam edəcək və ailə üzvlərinin kiçik əhatəsində Cimmi Karteri Pleyns şəhərindəki evinin həyətində dəfn edəcəklər.