Donald Tramp – “BRICS”in anti-amerikan siyasətini izləyən istənilən ölkəyə əlavə 10 faizlik rüsum tətbiq olunacaq, bu siyasətdə istisnalar olmayacaq

ABŞ Prezidenti Donald Tramp “BRİCS”i dəstəkləyən ölkələri əlavə on faizlik rüsumlar tətbiq etməklə hədələyir.

“BRICS”in anti-amerikan siyasətini izləyən istənilən ölkəyə əlavə 10 faizlik rüsum tətbiq olunacaq. Bu siyasətdə istisnalar olmayacaq” – ABŞ Prezidenti bildirib.

Ölkələrin ABŞ ilə tarif razılaşması əldə etməsi üçün son tarix iyulun 9-na təyin edilmişdi, lakin ABŞ-nin rəsmi şəxsləri indi bunun avqustun 1-dən qüvvəyə minəcəyini bildirirlər.

Trampın “BRİCS” ölkələri ilə işləyən ölkələrə yönəlik təhdidi təşkilatın üzvlərinin ABŞ-nin rüsum siyasətini tənqid etməsindən, eləcə də Beynəlxalq Valyuta Fondunda islahat təşəbbüsü təqdim etməsindən sonra yaranıb.