Donald Tramp bildirir ki, Ukrayna Prezidenti Volodimir Zelenskidən Rusiyanın neft emalı zavodlarına endirilən hücumların intensivliyini azaltmasını xahiş edib

ABŞ Prezidenti Donald Tramp bildirib ki, Ukrayna Prezidenti Volodimir Zelenskidən Rusiyanın neft emalı zavodlarına endirilən zərbələrin intensivliyini azaltmasını xahiş edib. Onun sözlərinə görə, Zelenski bununla razılaşıb.

“Mən ona dedim: ‘Neft emalı zavodları məsələsində daha ehtiyatlı olmalısınız’. O isə mənə belə cavab verdi: ‘Yaxşı, yəqin ki, belə də edəcəyik’”, – Tramp bildirib.

Yanacağın bahalaşması məsələsinə toxunan ABŞ Prezidenti deyib ki, “əsas problem Rusiyada neft emalı zavodlarının partladılmasıdır”.

“Əslində, bu, Yaxın Şərq problemi deyil. Bu, daha çox Rusiyanın problemidir. Ukrayna Rusiyada dizel yanacağı istehsal edən neft emalı zavodlarına hücum edir, çünki onlar ölkənin neft emalının əhəmiyyətli hissəsini təmin edir”, – Tramp “Fox News”a müsahibəsində bildirib.

Bununla yanaşı, onun sözlərinə görə, bu cür obyektlərə hücumlar “qlobal problem yaradır”.

“Onun (Zelenskinin) görə biləcəyi başqa tədbirlər də var”, – Tramp qeyd edib.