ABŞ prezidenti Donald Tramp bəyan edib ki, sülh planına cavab vermək üçün “Hamas”a 3–4 günlük möhlət tanıyır. O, bunu Ağ Evin qarşısında jurnalistlərlə söhbəti zamanı bildirib.

ABŞ prezidentinin sözlərinə görə, onun təqdim etdiyi planı bütün ərəb və müsəlman ölkələri, eləcə də İsrail dəstəkləyib və indi cavabı “Hamas”dan gözləyirlər.

Donald Trampın dediyinə görə, əgər “Hamas” razılaşmadan imtina edərsə, “bu, çox kədərli sonluq olacaq”. Onun sözlərinə görə, belə halda İsrailə “nə etmələri lazım gəlirsə, onu etməyə icazə veriləcək və onlar bunu çox asanlıqla edə bilərlər”.

“‘Hamas’la bağlı hər şey çox sadədir. Biz girovların dərhal qaytarılmasını və yaxşı davranışı istəyirik”, – ABŞ prezidenti vurğulayıb.

ABŞ prezidenti Donald Tramp İsrailin baş naziri Binyamin Netanyahu ilə görüşündə Qəzza üçün sülh planını təqdim etmişdi.