ABŞ prezidenti Donald Tramp bildirib ki, şənbə gününə qədər Qəzzada bütün girovlar azad edilməsə, İsrailə atəşkəs razılaşmasını ləğv etməyi təklif edəcək.

Qərar vermək İsrailin ixtiyarındadır, lakin şənbə günü saat 12:00-a qədər bütün girovlar qaytarılmasa, məncə, doğru vaxtdır. Mən deyərdim ki, müqaviləni ləğv edin və cəhənnəm başlasın”. – Donald Tramp bildirib.

Oval Ofisdə jurnalistlərə açıqlama verən Tramp həmçinin Qəzzadan didərgin düşən fələstinli qaçqınları qəbul etməsələr, İordaniya və Misirə yardımı kəsə biləcəyini də təklif edib.

Xatırladaq ki, HƏMAS-ın sözçüsü Hudhaifa Kahlout İsrailin atəşkəslə bağlı öhdəliklərini yerinə yetirmədiyini, bu səbəbdən şənbə gününə planlaşdırılan girov və əsirlərin mübadiləsinin təxirə salınacağını bildirib.