ABŞ prezidenti Donald Tramp bildirib ki, ona müraciət olunacağı təqdirdə BMT-nin maliyyə problemlərini həll edə bilər. Bu barədə Tramp “Politico”ya telefon müsahibəsində danışıb.

Nəşrin yazdığına görə, Donald Tramp ABŞ-ın BMT qarşısındakı borcunu özü ödəyib-ödəməyəcəyini dəqiqləşdirməyib.

ABŞ prezidentinin sözlərinə görə, Amerikanın borcu barədə məlumatı olmayıb, lakin əmindir ki, BMT bunu tələb etsəydi, “problemi asanlıqla həll edərdi”.

“Əgər onlar Trampın yanına gəlib desəydilər ki, hamıya ödəniş etməyi məcbur edərdim, NATO-da etdiyim kimi. Etməli olduğum yeganə şey bu ölkələrə zəng vurmaqdır. Onlar bir neçə dəqiqə ərzində qəbzləri göndərərdilər”, — Tramp “Politico”ya bildirib.

Xatırladaq ki, BMT-nin baş katibi Antonio Quterreş təşkilatın “qaçılmaz maliyyə kollapsı” həddində olduğunu və vəsaitlərin iyul ayına qədər tükənə biləcəyini açıqlayıb.

Kritik vəziyyətin əsas səbəbi kimi ABŞ-ın məcburi üzvlük haqlarını ödəməkdən imtina etməsi, eləcə də Birləşmiş Ştatların təşkilat qarşısında topladığı əhəmiyyətli borc göstərilir.