Donald Tramp Avropaya səfərinin uğurlu keçdiyini bildirir – “İranın nüvə silahı olmayacaq və Hörmüz boğazı dərhal açılacaq”

ABŞ Prezidenti Donald Tramp Avropaya rəsmi səfərinin uğurlu olduğunu bildirir.

Onun sözlərinə əsasən, “Böyük Yeddilik” sammitinin əsas nailiyyəti İranın nüvə silahına sahib olmayacağının və Hörmüz boğazının dərhal açılacağının vurğulanmasıdır.

Ağ Evin lideri bildirib ki, ABŞ iqtisadiyyatı yaxşılaşır, neft qiymətləri isə düşür.

“45 dəqiqədən sonra Fransadan mətbuat konfransı keçirəcəyəm. Daha sonra fransız və digər avropalı liderlərlə birlikdə şam yeməyi üçün Versala gedəcəyəm və bu axşam evə qayıdacağam. Səfər böyük uğurla başa çatdı, lakin insanların əsas danışmaq istədiyi mövzu İranın nüvə silahına sahib olmayacağı və Hörmüz boğazının dərhal açılacağı faktıdır. Amerika Birləşmiş Ştatlarının iqtisadiyyatı üçün bütün kateqoriyalarda əla rəqəmlər var. Bu gün hər zamankından daha çox insan işləyir. ABŞ-dakı fabriklərə və digər hər şeyə 19.1 trilyondan çox investisiya qoyulur, lakin ən əsası, fond birjasının son göstəriciləri çox yüksəkdir və eyni zamanda neft qiymətləri düşür” – o, yazır.