Donald Tramp – Anlaşma Memorandumu bir növ sınaq idi və İran bu sınaqdan keçə bilmədi
U.S. President Donald Trump holds a press conference in the James S. Brady Press Briefing Room at the White House in Washington, D.C., U.S., April 6, 2026. REUTERS/Evan Vucci
ABŞ Prezidenti Donald Tramp İranla imzalanmış Anlaşma Memorandumunu “sınaq” adlandırıb və İranın bu sınağın öhdəsindən gələ bilmədiyini qeyd edib.
“Bu, Ştatlarda standart taktikadır – əvvəlcə anlaşma memorandumuna nail olursan, daha sonra isə sazişə keçirsən. Mən dedim: gəlin birbaşa sazişə keçək. Lakin bilirsiniz nə var? Bu, bir növ sınaq idi və onlar bunun öhdəsindən gələ bilmədilər. Onlar sınaqdan keçə bilmədilər” – Donald Tramp bildirib.
Bununla yanaşı, Amerika Birləşmiş Ştatlarının Prezidenti anlaşma memorandumunun elə də böyük əhəmiyyətinin olmadığını deyib.
“Qeyri-səmimi insanlarla iş görəndə anlaşma memorandumunun böyük əhəmiyyəti olmur. Dürüst insanlarla iş görəndə də bunun elə bir böyük əhəmiyyəti yoxdur. Axı bu, sadəcə anlaşma memorandumudur, çox da böyük məna kəsb etmir” – Tramp izah edib.
Məlumat üçün bildirək ki, ötən ay imzalanmış atəşkəs sazişi nüvə məsələləri ilə bağlı daha mürəkkəb problemlərin həlli üçün 60 günlük müddət müəyyən edirdi. Lakin memorandumun imzalanmasından bir neçə gün sonra regionda hər iki tərəfdən zərbələr yenidən bərpa olunub.