Donald Tramp – Amerikanı birinci yerə qoyacağam, suverenliyimiz qayıdacaq, təhlükəsizliyimiz bərpa olunacaq

 
Tramp administrasiyasının hər günü Amerikanı birinci yerə qoyacağam, suverenliyimiz qayıdacaq, təhlükəsizliyimiz bərpa olunacaq və ədalət tərəzisi tarazlaşacaq – bu haqda Amerika Birləşmiş Ştatlarının Prezidenti Donald Tramp inauqurasiya nitqi ilə çıxış edərkən bildirib.

Tramp Amerikanın qızıl dövrünün indi başladığını bildirib.

“Amerikanın qızıl dövrü indi başlayır, bu gündən ölkəmiz çiçəklənəcək və ona bütün dünyada yenidən hörmətlə yanaşacaqlar. Biz bütün xalqların həsəd obyekti olacağıq və heç kimin bizdən sui-istifadə etməsinə artıq icazə verməyəcəyik. Tramp administrasiyasının hər günü Amerikanı birinci yerə qoyacağam. Suverenliyimiz qayıdacaq, təhlükəsizliyimiz bərpa olunacaq və ədalət tərəzisi tarazlaşacaq. Ədliyyə Departamenti və hökumətimizin qəddar, zorakı və ədalətsiz istifadəsinə son qoyulacaq. Bizim əsas prioritetimiz məğrur, uğurlu və azad millət yaratmaq olacaq. Amerika tezliklə daha böyük, daha güclü və heç vaxt olmadığı qədər görkəmli olacaq. Prezident kimi inamlı və nikbinliklə qayıtdım ki, biz milli uğurun yeni dövrünün başlanğıcındayıq. Dəyişikliklər dalğası ölkəni əhatə edəcək, günəş işığı bütün dünyaya səpələnəcək və Amerikanın bu fürsətdən heç vaxt olmadığı qədər istifadə etmək şansı var, lakin hələ üzləşdiyimiz çağırışlar haqqında səmimi olmalıyıq. Doğrudur, onlar çoxdur, lakin dünyanın hazırda Amerika Birləşmiş Ştatlarında şahidi olduğu impuls sayəsində bu çağırışlar aradan qalxacaq” – Tramp bildirib.