Rusiya Dnepropetrovsk vilayətinə genişmiqyaslı hücum həyata keçirib, bir nəfər xəsarət alıb, enerji infrastrukturuna zərər dəyib.

Dnepropetrovsk vilayət hərbi administrasiyasının rəhbəri Serqei Lisakın bəyan etdiyi kimi, hücum nəticəsində sənaye və nəqliyyat obyektlərinə zərər dəyib. Rusiyanın genişmiqyaslı zərbəsindən sonra Dnepropetrovsk bölgəsində elektrik enerjisi kəsilib.

Çerniqova edilmiş hücum nəticəsində mülki infrastruktur obyektində yanğın baş verib. Yaşayış binasına zərər dəyib.

Ukrayna Hərbi Hava Qüvvələrinin məlumatında, Rusiyanın gecə Ukrayna istiqamətində 113 dron buraxdığı, onlardan təxminən 50-nin “Shahed” olduğu deyilir. Ukrayna Müdafiə Qüvvələri 86-nı vurmağa müvəffəq olub.

Paralel olaraq Rusiya Müdafiə Nazirliyində gecə 59 Ukrayna pilotsuz uçuş aparatını məhv etdiklərini bəyan edirlər.