Dmitri Peskov – Rusiya hakimiyyəti Ukrayna ilə danışıqlara hər hansı şərt olmadan hazırdır

Rusiya hakimiyyəti Ukrayna ilə danışıqlara hər hansı bir şərt olmadan hazırdır – bu açıqlamanı Rusiya prezidentinin mətbuat katibi Dmitri Peskov verib.

Onun sözlərinə görə, bu mövqeyi Vladimir Putin ABŞ prezidentinin xüsusi nümayəndəsi Stiv Vitkofa 25 aprel tarixində Moskvada keçirilən danışıqlar zamanı çatdırıb. Kreml həmçinin bildirir ki, görüşdə Rusiya və Ukrayna arasında birbaşa danışıqların mümkünlüyü müzakirə olunub.

“Trampın nümayəndəsi Vitkofla görüş zamanı Vladimir Putin bir daha bəyan etdi ki, Rusiya tərəfi Ukrayna ilə danışıqlar prosesinin bərpası üçün hər hansı şərt olmadan hazırdır,” – deyə Peskov bildirib.

Qeyd edək ki, 26 aprel tarixində Vatikan şəhərində Volodimir Zelenski ilə danışıqlardan sonra Fransa prezidenti Emmanuel Makron bildirib ki, “Ukrayna qeyd-şərtsiz atəşkəsə hazırdır.”