Dmitri Peskov bildirib ki, xüsusi hərbi əməliyyatın “isti fazasını” dayandırmaq üçün Ukrayna ordusunun qüvvələrini Donbasdan çıxarması vacibdir

Kremlin mətbuat katibi Dmitri Peskov bildirib ki, Rusiya bir neçə dəfə vurğulayıb: xüsusi hərbi əməliyyatın “isti fazasını” dayandırmaq üçün Ukraynanın Donbasdan qüvvələrini çıxarması vacibdir.

Peskova Donbasdan qoşunların çıxarılması üçün Ukraynaya konkret müddət təyin olunub-olunmadığı sualına cavab olaraq deyib ki, Rusiya heç bir müddət qoymayıb.

“Biz bir neçə dəfə qeyd etmişik: xüsusi hərbi əməliyyatın isti fazasının dayandırılması üçün Ukraynanın öz qoşunlarını Donbasdan çıxarması vacibdir. Bu, mütləq edilməlidir,” – deyə Peskov bildirib.