Dmitri Peskov – ABŞ-ın yeni administrasiyası bütün xarici siyasət konfiqurasiyasını sürətlə dəyişir və bu, Rusiyanın baxışı ilə böyük ölçüdə üst-üstə düşür

ABŞ-ın yeni administrasiyası bütün xarici siyasət konfiqurasiyasını sürətlə dəyişir ki, bu da Rusiyanın baxışı ilə böyük ölçüdə üst-üstə düşür. Rusiya mətbuatı xəbər verir ki, bu barədə Kremlin sözçüsü Dmitri Peskov bildirib.

“Biz BMT Baş Assambleyasında Ukrayna böhranı ilə bağlı tamamilə balanslaşdırılmış ifadələri ehtiva edən eyni qətnaməyə səs veririk. Bu günə qədər bu tamamilə ağlasığmaz idi. Yeni administrasiya bütövlükdə xarici siyasət konfiqurasiyasını sürətlə dəyişir ki, bu da bizim baxışımıza böyük ölçüdə uyğun gəlir. İndi dialoqa girmək və bütün münasibətləri nizamlamaq üçün səylər göstərilir. Qarşıda uzun bir yol var, çünki ikitərəfli münasibətlərin bütün kompleksi əhəmiyyətli dərəcədə zədələnib, lakin iki liderin, prezident Putinin və prezident Trampın siyasi iradəsi qorunsa, bu yolla kifayət qədər sürətlə irəliləmək mümkün olacaq”. – dedi Peskov.