Dinamo Arena-nın müəllifləri stadionun yeni konsepsiyasını hazırlayıblar. #1TVSPORT

Dinamo Arena-nın prezidenti Roman Pipia-nın təşəbbüsü ilə stadionun müəllifləri ilə görüş keçirilib. Məlumatı tanınmış memarlar Gia Kurdiani və Archil Kurdiani-nin studiyası yayıb.
Məlumata görə, Roman Pipia-nın təşəbbüsü ilə mövcud stadionun problemləri, müasir tələblərə uyğunluğu və onların həlli yolları müzakirə olunmağa başlayıb. Stadionun müəllifləri olan Gia və Archil Kurdianinin memarlıq studiyası isə yenilənmiş “Dinamo Arena” konsepsiyasını hazırlayıb.
Qeyd olunur ki, “Dinamo Arena”nın tarixi 1936-cı ildən başlayan və 90 illik müddət ərzində davamlı rekonstruksiya və memarlıq transformasiyası ilə formalaşan bir prosesdir. Bu işlər Kurdianilər memarlıq sülaləsinin dörd nəsli tərəfindən həyata keçirilib.
Yeni konsepsiyada stadionun tutumunun 70 min nəfərə qədər artırılması, dam örtüyünün müasir dizaynla yenilənməsi, atletika qaçış zolaqlarının ləğv edilərək stadionun tam futbol arenasına çevrilməsi, birinci tribunada tam dəyişiklik, əlavə girişlərin yaradılması və parkinq yerlərinin salınması nəzərdə tutulur.