DİN Tbilisidə narkotiklərlə bağlı cinayət törətməkdə şübhəli bilinən bir şəxsi saxlayıb

Daxili İşlər Nazirliyinin Tbilisi Polis Departamentinin Köhnə Tbilisi Baş İdarəsinin əməkdaşları əvvəlcədən əlbir olan bir qrup tərəfindən külli miqdarda narkotik vasitənin qanunsuz satışına şərait yaratmaqda ittiham olunan iki şəxsi saxlayıblar.
Hüquq-mühafizə orqanlarının əməkdaşları təqsirləndirilən şəxsləri Tbilisidə parklardan birinin yaxınlığında satış üçün hazırlanmış narkotik vasitələri yerləşdirdikləri zaman saxlayıblar. Polis bir neçə yerdən satışa hazırlanmış 57 bağlamada “Alfa-PVP” narkotik vasitəsi aşkarlayaraq maddi sübut kimi götürüb.

Faktla bağlı Cinayət Məcəlləsinin 260-cı maddəsinin müvafiq hissəsi ilə araşdırma aparılır. Bu maddə 20 ilədək və ya ömürlük azadlıqdan məhrumetmə cəzasını nəzərdə tutur.

Məlumatı Daxili İşlər Nazirliyinin mətbuat xidməti yayıb.