Dimitri Peskov – Bakının Ukrayna ilə bağlı mövqeyi Moskva ilə fikir ayrılığı mövzusudur, lakin bu, Rusiya-Azərbaycan münasibətlərinə kölgə salmır

Rusiya Prezidentinin mətbuat katibi Dimitri Peskov bildirir ki, Bakının Ukrayna ilə bağlı mövqeyi fikir ayrılığı mövzusudur, lakin bu, Azərbaycan-Rusiya münasibətlərinə kölgə salmır.

“Bakının Ukrayna ilə bağlı mövqeyi Moskva ilə fikir ayrılığı mövzusudur, lakin bu, Rusiya ilə Azərbaycan arasındakı ikitərəfli münasibətlərə kölgə salmır” – bu barədə Rusiya Prezidentinin mətbuat katibi Dimitri Peskov bildirib.

“Azərbaycan Prezidenti İlham Əliyevin ifadə etdiyi mövqe ilə bağlı – bizim sıx münasibətlərimiz olan və bu mövqeyi bölüşən bir sıra ölkələr var. Biz bu mövqe ilə qətiyyən razı deyilik və bəli, bu, fikir ayrılığı mövzusudur. Eyni zamanda, hesab edirik ki, bu, bizim ikitərəfli münasibətlərimizə kölgə salmaq üçün səbəb deyil” – Rusiya Prezidentinin mətbuat katibi bildirib.

Məlumat üçün bildirək ki, Azərbaycan Prezidenti İlham Əliyev iyulun 13-də bəyan edib ki, Azərbaycanın mövqeyi dəyişməz olaraq qalır və ölkə hər zaman Ukraynanın ərazi bütövlüyünü, suverenliyini və onun beynəlxalq səviyyədə tanınmış sərhədlərinin toxunulmazlığını dəstəkləyib.