“Dəyişiklik Naminə Koalisiyası” seçki nömrəsinin saxlanılması üçün Seçki Administrasiyasına müraciət edib – bu haqda “Dəyişiklik Naminə Koalisiyası”nın bəyanatında deyilir.

Bəyanatda qeyd olunub ki, müraciət Seçki Məcəlləsində 2021-ci ildə qəbul edilmiş dəyişikliklərə uyğun olaraq edilir və “Heç bir halda yerli seçkilər olaraq adlandırılan, əslində isə saxtalaşdırılmış, cinayətkar, rus prosesində iştirakla bağlı deyil”.

“Seçki Məcəlləsində 2021-ci ildə qəbul edilmiş dəyişikliklərə uyğun olaraq, seçki subyektinin nömrəsini (seçki nömrəsini) saxlamaq üçün siyasi partiya seçki ilinin 17 iyulundan gec olmayaraq Seçki Administrasiyasına ərizə ilə müraciət etməlidir. Digər halda, qanundakı qeyri-müəyyən izahatdan irəli gələrək, siyasi partiya seçki nömrəsini itirə bilər.

Seçki Məcəlləsinə uyğun olaraq, bu, seçki qeydiyyatı deyil, bu, gələcəkdə seçki nömrəsinin saxlanılması üçün müraciətdir. Biz vurğulayırıq ki, qeyd olunan formal prosedurlar heç bir halda yerli seçkilər olaraq adlandırılan, əslində isə saxtalaşdırılmış, cinayətkar, rus prosesində iştirakla bağlı deyil.

Bu səbəblərdən irəli gələrək, “Dəyişiklik Naminə Koalisiyası” qeyd olunan prosedur müraciətini edəcək, çünki nömrənin saxlanılması partiyanın effektiv fəaliyyəti ilə bağlıdır (dırnaqarası seçkilərdə iştirakla yox), o cümlədən mövcud avtoritar rejim şəraitində.

Koalisiyanın mövqeyi ilk gündən aydın və açıq olub, biz Gürcüstan tarixində misli görünməmiş müqavimət hərəkatının əsasını qoyan prinsiplərə sadiq qalırıq, bu da rejimlə əməkdaşlıq etməmək və onu bütün səviyyələrdə təcrid etmək deməkdir.

Biz öz mövqelərimizdə ardıcıl qalırıq və dırnaqarası parlamentə daxil olmadıqdan, siyahıları geri götürdükdən, maliyyələşmədən imtina etdikdən və dırnaqarası komissiyanın iclasına gəlmədikdən sonra, rejimin status-kvonu legitimləşdirmək üçün iştirakdan istifadə edəcəyi dırnaqarası yerli seçkilərdən imtina edirik və yalnız yeni, azad və ədalətli parlament seçkilərini tanıyırıq. Bu izahatı gələcək spekulyasiyaların qarşısını almaq üçün veririk.

Məhz buna görə də iyulun 19-da, saat 19:00-da sizi TDU yaxınlığında gözləyirik” – bəyanatda deyilir.