Avropa İttifaqı tərəfindən Rusiyaya tətbiq edilmiş sanksiyalardan yan keçilməməsi üçün artıq atılmış addımlara və yüksək səviyyədə ifadə edilən sədaqətə görə sizə təşəkkür edirəm – bu haqda Gürcüstan hökumətinin sanksiyalar məsələləri üzrə Avropa İttifaqının xüsusi nümayəndəsi Devid O’Sallivandan aldığı rəsmi məktubda qeyd olunub.
Məktubu Gürcüstanın Xarici İşlər Nazirliyi yayır.
Avropa İttifaqının sanksiyaları haqda Avropa Komissiyasının Maliyyə Sabitliyi, Maliyyə Xidmətləri və Kapital Bazarları İttifaqının Devid O’Sallivanın imzaladığı baş direktoratlığının məktubunda həmçinin sanksiyalardan yan keçmə ilə bağlı məsələləri müzakirə etmək üçün Gürcüstan hakimiyyətinin əlçatanlığı vurğulanır.
“Avropa İttifaqı tərəfindən Rusiyaya tətbiq edilmiş sanksiyalardan yan keçilməməsi üçün artıq atılmış addımlara və yüksək səviyyədə ifadə edilən sədaqətə görə sizə təşəkkür edirəm. Həmçinin, sanksiyalardan yan keçmə ilə bağlı istənilən məsələni müzakirə etmək üçün hakimiyyətinizin daimi əlçatanlığına görə sizə təşəkkür edirəm. Avropa Komissiyasının tərəfdaşlar ilə sıx əməkdaşlıq nəticəsində tərtib etdiyi yüksək prioritetə malik bəndlərin siyahısını sizinlə əvvəllər də bölüşmüşdüm. Bu, Rusiyanın hərbi sistemlərində aşkarlanmış, Ukraynada döyüş meydanında tapılan və ya Rusiya hərbi sistemlərinin inkişafı, istehsalı və ya istifadəsi üçün kritik əhəmiyyətə malik ikili təyinatlı malların və qabaqcıl texnologiyaların ixrac məhdudiyyəti rejimində olan əşyalarının siyahısını əhatə edir. Bu əşyaların təkrar ixracının dayandırılması üçün göstərdiyiniz səylərinizə görə sizə təşəkkür edirəm. Avropa Komissiyası Rusiyanın öz hərbi əməliyyatlarını təmin etmək məqsədilə ümidsiz şəkildə əldə etməyə çalışdığı iqtisadi kontekstdə kritik əhəmiyyətə malik malların siyahısını hazırlayıb. Bu, Rusiyanın sənaye bazasını dəstəkləyə biləcək sanksiya tətbiq edilmiş əşyalardır. Bu malların əksəriyyətinin ənənəvi mənada ikili təyinatlı əşyalar olmamasına baxmayaraq, onların yenidən ixracı Rusiya iqtisadiyyatının əsas sektorlarını gücləndirir. Məsələn, boru kəmərləri üçün nəzərdə tutulmuş qurğular və ya ixtisaslaşdırılmış polad konstruksiyalar Rusiyanın mineral resurslar sənayesi üçün vacibdir.
Bu sektor Rusiyanın büdcəsinin əsas sahələrindən birinin dolanışıq mənbəyidir. Buna görə də, hörmətlə sizdən xahiş etmək istərdim ki, Avropa İttifaqı mənşəli bu siyahıda göstərilmiş bütün əşyaların və bu kodlara malik məhsulun Rusiyaya yenidən ixracına qadağa qoyasınız. Gürcüstanın bu malların əsas yenidən ixracatçısı olmamasına baxmayaraq, region ölkələri artıq bu məsələnin həlli yolunu tapıblar və Gürcüstanın bu əşyaların alternativ qanunsuz ticarəti yoluna çevrilmə riski var. Ümid edirik ki, bu məlumat müvafiq tədbirlərin görülməsi və sanksiya tətbiq edilən malların hərbi sənayeni dəstəkləmək üçün yönləndirildiyi Rusiyaya təkrar ixrac edilməməsi üçün müvafiq orqanlarınıza faydalı olacaq. Bu məsələyə dərhal diqqət ayırdığınız üçün təşəkkür edirik” – Devid O’Sallivanın məktubunda qeyd olunub.
Rəsmi məktub Gürcüstanın xarici işlər naziri Maka Bocorişviliyə və iqtisadiyyat və dayanıqlı inkişaf naziri Mariam Kvrivişviliyə ünvanlanıb.
