“Deutsche Welle” – Çexiya rus neftindən nəhayət imtina etmək istəyir

 
Çexiya rus neftindən nəhayət imtina etmək istəyir.

Çexiyanın sənaye naziri Lukaş Vçekisin dediyi kimi, ölkə artıq tədarükçüləri diversifikasiya etməyə çalışır və artıq Şimal dənizindən və digər regionlardan neft alıb.

“Deutsche Welle” yazır ki, alternativ marşrut İtaliyanın Triesti liman şəhərindən Mərkəzi Avropa ölkələrinə neft nəql edən Transalp neft kəməri ola bilər.

Rusiya martın 4-dən “Druzhba” neft kəməri ilə Çexiyaya neft nəqlini dayandırıb. Səbəb olaraq ABŞ sanksiyaları nəticəsində maliyyə əməliyyatlarının həyata keçirilməsində yaranmış çətinliklər göstərilib.