Ukrayna Avropa İttifaqından 5,9 milyard avro alıb – bu haqda Ukraynanın müdafiə naziri Denis Şmiqal yazır. Ukrayna, 4,1 milyard avro həcmində krediti Rusiyanın dondurulmuş suveren aktivlərindən əldə edilən gəlirlərdən kreditin geri qaytarılmasını nəzərdə tutan ERA mexanizmi çərçivəsində alıb. 1,8 milyard avronu isə Avropa İttifaqı “Ukraine Facility” proqramı çərçivəsində Kiyevə ayırıb.

Şmiqalın yazdığı kimi, alınan vəsaitin bir hissəsi, xüsusilə ERA mexanizmi ilə alınan kredit müdafiə ehtiyaclarının maliyyələşdirilməsinə xərclənəcək.

“Dondurulmuş rus aktivlərindən əldə edilən gəlirlər artıq Ukraynanın müdafiəsini və Avropanın təhlükəsizliyini gücləndirmək üçün işləyir. İndi tərəfdaşlarımızdan sonrakı tarixi addımı – təzminat krediti haqqında siyasi qərarı gözləyirik. Ukraynaya davamlı dəstəyə görə Ursula fon der Laienə və Valdis Dombrovskiyə təşəkkür edirəm” – Denis Şmiqal yazır.