Gürcüstan Müdafiə Nazirliyi yerli zirehli texnika ilə təchiz olunmaqda davam edir, bu dəfə “Delta” Dövlət Hərbi-Elmi-Texniki Mərkəzinin istehsalı olan 6 ədəd “Didqori Medevak” zirehli texnikası Müdafiə Qüvvələrinə təhvil verilib. Gürcüstanın müdafiə naziri Cuanşer Burçuladze və Müdafiə Qüvvələrinin nümayəndələri NATO-Gürcüstan Birgə Təlim və Qiymətləndirmə Mərkəzinin (JTEC) Didqori Medevak bölmələrinə təhvil verilməsi mərasimində iştirak ediblər. Nazir “Didqori Medevak”ın taktiki-texniki xüsusiyyətləri ilə ətraflı tanış olub və zirehli maşını şəxsən sınaqdan keçirib.

Nazirin sözlərinə görə, Gürcüstan Müdafiə Qüvvələrinin milli istehsalatlı hərbi texnika ilə təchiz edilməsi agentlik üçün mühüm prioritetlərdən biridir və gələcəkdə də davam etdiriləcək.

“Didqori Medevak” tibbi-evakuasiya zirehli maşını tibbi məqsədlər üçün, birbaşa döyüş bölgəsindən təhlükəsiz əraziyə və daşınma zamanı ilkin tibbi yardım göstərmək üçün hazırlanır.

“Delta” SSTC-nin istehsal etdiyi zirehli texnikalar paylanma planına uyğun olaraq mərhələli şəkildə hərbi hissələrə veriləcək. “Delta”nın istehsalı olan 40-a qədər zirehli texnika 2020-ci ildə İrakli Ğaribaşvilinin nazirliyi dövründə ilk dəfə olaraq Gürcüstan Müdafiə Qüvvələrinə təhvil verilib”, – Müdafiə Nazirliyinin bəyanatında deyilir.