Dekabrın 4-də Rustaveli prospektində 112-nin videomüşahidə kameralarına ziyan vurmaq faktı üzrə bir nəfəri saxlayıblar

 
Gürcüstanın Daxili İşlər Nazirliyinin Tbilisi Polis Departamentinin əməkdaşları həyata keçirilmiş əməliyyat tədbirləri və istintaq hərəkətləri nəticəsində, qrup halında törədilmiş əşyaya ziyan vurmaq ittihamı ilə 1998-ci il təvəllüdlü Q.X.-ni hakimin hökmü əsasında saxlayıblar.

“İstintaqla müəyyən edilib ki, təqsirləndirilən şəxs cari ilin dekabrın 4-də Rustaveli prospektində aksiya zamanı onu müşayiət edən şəxslərlə birlikdə İctimai Təhlükəsizliyi İdarəetmə Mərkəzi 112-nin balansında olan 7 videomüşahidə kamerasına ziyan vurub. Polis Q.X.-ni aparılmış istintaq hərəkətləri nəticəsində Tbilisidə saxlayıb” – Daxili İşlər Nazirliyinin məlumatında deyilir.

Həmçinin, nazirlikdə Daxili İşlər Nazirliyinin cinayətdə iştirak edən digər şəxslərin kimliyinin müəyyən edilərək saxlanılması məqsədilə istintaq hərəkətlərini davam etdirdiyini bildirirlər.

İstintaq Cinayət Məcəlləsinin 187-ci maddəsinin 2-ci hissəsinin “q” yarımbəndi ilə aparılır, bu da qrup halında əşyaya ziyan vurulması deməkdir. Cinayət altı ilədək müddətə azadlıqdan məhrum etməni nəzərdə tutur.