Ətraf Mühitin Mühafizəsi və Kənd Təsərrüfatı naziri Davit Sonqulaşvili İsrail Dövlətinə üçgünlük işgüzar səfəri çərçivəsində rəsmi görüşlər keçirəcək. Görüşlər İsrailin Kənd Təsərrüfatı və Qida Təhlükəsizliyi naziri Avi Dixtər, İsrailin Ətraf Mühitin Mühafizəsi naziri Idit Silman, Knessetin sədri Amir Oxana və Knessetin Gürcüstanın Dostları Qrupunun rəhbəri Davit Bitan ilə nəzərdə tutulur.

Ətraf Mühitin Mühafizəsi və Kənd Təsərrüfatı Nazirliyinin məlumatına görə, səfər çərçivəsində Gürcüstan ilə İsrail dövləti arasında kənd təsərrüfatı sahəsində əməkdaşlıq haqqında deklarasiya imzalanacaq ki, bu da iki ölkə arasındakı münasibətlərin daha da gücləndirilməsini nəzərdə tutur.

İsrailin kənd təsərrüfatı üzrə tədqiqat mərkəzi olan “Volcani Center”ə baxış keçirilməsi planlaşdırılır. Nazir burada tədqiqat istiqamətləri üzrə İsrailin imkanları ilə yerində tanış olacaq.

Gürcüstan-İsrail Ticarət Palatasının təşkilatçılığı ilə biznes sektoru ilə görüş planlaşdırılır ki, bu da iqtisadi əməkdaşlıq sahələrinin dərinləşdirilməsinə və mövcud potensialdan daha geniş istifadə olunmasına xidmət edir.

Səfər çərçivəsində Davit Sonqulaşvili Qüdsün Patriarxı ilə görüşəcək. Nazir tarixi və dini məkanları da ziyarət edəcək.