Davit Sonğulaşvili – Gürcüstanda fermerlərin ənənəvi istehsaldan başqa, beynəlxalq bazarlarda tələbat görən məhsullar yaratmaq imkanının olması vacibdir

Ətraf mühitin mühafizəsi və kənd təsərrüfatı naziri Davit Sonğulaşvili Mtsxeta Munisipalitetində MMC “Timeo” ilbiz fermasına baş çəkib və şirkətin fəaliyyəti ilə tanış olub.

MMC “Timeo” ilbiz əti və qabığının istehsalını həyata keçirir. Şirkət məhsullarını İtaliya və Fransa bazarlarına çıxarır. Müəssisədə 250-300 nəfər işlə təmin olunub.

“Gürcüstanda fermerlərin ənənəvi istehsaldan başqa, beynəlxalq bazarlarda tələbat görən məhsullar yaratmaq imkanının olması vacibdir. İlbiz ətinin ixrac potensialı var, qabığının emalı isə istehsalın iqtisadi dəyərini daha da artırır. Məqsədimiz məhz regionlarda bu cür yeni imkanlar yaratmaq və gürcü aqrar sektorunu şaxələndirmək; Gürcüstanda həm yerli bazarda mövqeyini möhkəmləndirmək, həm də ixraca çıxış imkanı olacaq daha çox müasir və rəqabətədavamlı istehsal sahələri yaratmaqdır” – Davit Sonğulaşvili qeyd edib.

İlbiz fermasında ətraf mühitin mühafizəsi və kənd təsərrüfatı naziri ilə birlikdə nazir müavini Laşa Avaliani, Kəndin İnkişafı Agentliyinin direktoru Zurab Qozalişvili, Milli Qida Agentliyinin rəhbəri Qiorqi İakobaşvili, Mtsxeta Munisipalitetinin meri Qoqi Abuaşvili və Mtsxeta Munisipalitetinin Şəhər Məclisinin sədri Qiorqi Eloşvili olublar.

Məlumatı Ətraf Mühitin Mühafizəsi və Kənd Təsərrüfatı Nazirliyi yayır.