Danimarkanın Müdafiə Kəşfiyyat Xidməti bildirir ki, qarşıdakı aylarda Rusiyanın hibrid müharibəni daha da eskalasiya etdirəcəyini gözləyirlər

Danimarkanın Müdafiə Kəşfiyyat Xidməti qarşıdakı aylarda Rusiyanın hibrid müharibəni daha da eskalasiya etdirəcəyini gözləyir. Rəsmi qurumun açıqlamasını „Reuters“ yayıb.

„Danimarkanın Müdafiə Kəşfiyyat Xidməti hesab edir ki, qarşıdakı aylarda Rusiya Qərb və NATO-ya qarşı daha tez-tez hücumlar həyata keçirməklə hibrid müharibəni daha da gücləndirəcək. Bu isə daha əvvəl hədəfə çevrilmiş ölkələr üçün daha ciddi nəticələrə səbəb olacaq“, – deyə açıqlamada bildirilir.

Açıqlamada həmçinin qeyd olunur ki, Avropada hibrid müharibə məsələsi Almaniyanın Leypsiq-Halle hava limanında hücum planının üzə çıxmasından sonra diqqət mərkəzinə düşüb.

Xatırladaq ki, bundan əvvəl Almaniyanın kansleri Fridrix Merts bildirmişdi ki, Leypsiq hava limanına pilotsuz uçuş aparatı ilə hücum cəhdi Rusiyada uzun müddət ərzində hazırlanıb və mümkün fəlakətin qarşısı təsadüf nəticəsində alınıb.