Daxili İşlər Nazirliyinin Miqrasiya İdarəsinin əməkdaşları fevral ayında 85 əcnəbi vətəndaşı Gürcüstandan çıxarıblar. Bu barədə Gürcüstanın Daxili İşlər Nazirliyi məlumat yayıb.

Agentliyin məlumatına görə, Gürcüstan Daxili İşlər Nazirliyinin Miqrasiya Departamenti nazirliyin digər struktur bölmələri ilə sıx əməkdaşlıq edərək ölkə daxilində qeyri-qanuni miqrasiyaya qarşı mübarizəni səmərəli şəkildə təmin edir.

“O cümlədən, son bir ay ərzində müxtəlif ölkələrin 85 vətəndaşı ölkədən çıxarılıb”. Xarici vətəndaşların bir qismi Gürcüstanı könüllü tərk edib, digərləri isə Miqrasiya İdarəsinin həyata keçirdiyi tədbirlər nəticəsində ölkədən məcburi çıxarılıb. Ölkədən çıxarılan şəxslərin qanuna uyğun olaraq ölkəyə girişi qadağan edilib. İran, Türkiyə, Türkmənistan, Rusiya, Azərbaycan, İordaniya, Nigeriya, Əlcəzair, Çin, Ermənistan, Nepal, Hindistan, İraq, Misir, Livan, Myanma, Litva, İsrail və Kamerunun ümumilikdə 85 vətəndaşı Gürcüstandan çıxarılıb. Gürcüstan Daxili İşlər Nazirliyinin Miqrasiya Departamenti ölkə daxilində qeyri-qanuni miqrasiyaya qarşı mübarizə aparan orqandır. Onun səlahiyyətlərindən biri də qanuni əsas olmadan Gürcüstanda olan xarici vətəndaşların müəyyən edilməsi və onların Gürcüstandan çıxarılmasının həyata keçirilməsidir. – Bu barədə Daxili İşlər Nazirliyinin məlumatında deyilir.