Tornike Rijvadze güllə yarası ilə Saqareconun “Geo Hospitals”ına yerləşdirilib, vəziyyəti stabil ağırdır, özünü öldürmə həddinə çatdırma maddəsi ilə istintaq başladılıb – bu barədə DİN-in bəyanatında deyilir.

“2025-ci ilin iyulun 7-də döş qəfəsi nahiyəsində güllə yarası qeydə alınan Tornike Rijvadze Saqareconun “Geo Hospitals”ına yerləşdirilib.

Daxili İşlər Nazirliyində Cinayət Məcəlləsinin 115-ci maddəsi ilə istintaq başladılıb, bu isə özünü öldürmə həddinə çatdırmanı nəzərdə tutur. Fakt ilə əlaqədar intensiv istintaq hərəkətləri davam etdirilir.

Tornike Rijvadzeyə təxirəsalınmaz tibbi yardım göstərilib. Həkimlərin izahatına əsasən, onun ağciyəri zədələnib və səhhəti stabil ağırdır.

Həmçinin, odlu silahın diqqətsiz saxlanılmasına görə, Gürcüstan Cinayət Məcəlləsinin 238-ci maddəsi ilə təqsirləndirilən şəxs qismində bir nəfər saxlanılıb” – DİN-in bəyanatında deyilir.