Cari ilin noyabrın 2-də Qiorqi Axobadze tərəfindən İctimai Təhlükəsizliyi İdarəetmə Mərkəzi 112-yə edilən bildiriş əsasında, Daxili İşlər Nazirliyinin Tbilisi Polis Departamentinin İsani–Samqori Baş İdarəsinin əməkdaşları Cinayət Məcəlləsinin 126-cı maddəsinin ikinci hissəsinin “b” yarımbəndi ilə istintaq başladıblar, bu isə qrup halında zorakılıq deməkdir – bu haqda Daxili İşlər Nazirliyinin bəyanatında deyilir.

Bəyanata əsasən, aparılan istintaq hərəkətləri, eləcə də şahidlərin dindirilməsi nəticəsində Tbilisi Beynəlxalq Hava Limanına bitişik ərazidə taksi ilə hərəkət edərkən, Qiorqi Axobadzenin yolunu avtomobilin kəsdiyi və avtomobildən çıxan iki nəfərin ona qarşı fiziki zorakılıq törətdiyi müəyyən edilib.

“İfadə verərkən Qiorqi Axobadzenin özü hücumçuların kimliyini müəyyən edə bilməyəcəyini deyib. Törədilən cinayətlə əlaqədar, onu törədən şəxslərin məsuliyyətə cəlb edilməsi məqsədilə istintaq davam edir.

Daxili İşlər Nazirliyi zərərçəkmiş və ya şahid olmasından asılı olmayaraq bütün şəxsləri istintaqla əməkdaşlıq etməyə çağırır, çünki bu, işin vaxtında açılması və cinayətkarların cəzalandırılması üçün vacibdir” – Daxili İşlər Nazirliyinin bəyanatında deyilir.