Daxili İşlər Nazirliyinin Sameqrelo-Zemo Svaneti Polis Departamentinin Poti Şəhər Bölməsinin əməkdaşları külli miqdarda oğurluq törətmək ittihamı ilə bir nəfəri saxlayıblar.

DİN-in məlumatına əsasən, istintaqla təqsirləndirilən şəxsin Poti dəmir yolu stansiyasının ərazisində qatarın vaqonunun çənindən gizli şəkildə quraşdırılmış boru vasitəsilə 3000 litrə qədər yanacağı qanunsuz olaraq mənimsədiyi müəyyən edilib.

“Polis görülən tədbirlər nəticəsində cinayəti törədən şəxsi təqsirləndirilən şəxs qismində saxlayıb və oğurlanmış yanacağı sübut olaraq götürüb.

Hüquq-mühafizə orqanlarının əməkdaşları tərəfindən cinayətdə iştirak edən digər şəxslərin müəyyən edilməsi və saxlanılması məqsədilə aktiv istintaq tədbirləri davam etdirilir.

İstintaq Cinayət Məcəlləsinin 177-ci maddəsinin 2 və 4-cü hissələri ilə aparılır, bu da 10 ilə qədər müddətə azadlıqdan məhrum etməni nəzərdə tutur” – məlumatda qeyd olunub.