Daxili İşlər Nazirliyinin Kaxeti Polis Departamentinin İstintaq və Müstəntiqlər Şöbəsinin əməkdaşları həyata keçirilən əməliyyat tədbirləri və istintaq hərəkətləri nəticəsində, qəsdən adam öldürmə və odlu silahın qanunsuz daşınması ittihamı ilə, 1967-ci il təvəllüdlü, əvvəllər məhkum olunmuş R.L.-ni saxlayıblar. Bu barədə məlumatı Daxili İşlər Nazirliyi yayır. Qurumun məlumatında, cinayətlərin 15 ilədək azadlıqdan məhrum etməni nəzərdə tutduğu deyilir.

“İstintaqla müəyyən edilib ki, cari ilin mayın 11-də Axmeta Munisipalitetində qarşılıqlı mübahisə zəminində, C.K. ov tüfəngi ilə atəş açaraq R.L.-ni ayaq nahiyəsindən yaralayıb. Bundan sonra isə, təqsirləndirilən şəxs R.L. odlu silahla C.K.-ya ölümcül xəsarət yetirib.

Təqsirləndirilən R.L. klinikaya aparılıb və müvafiq müalicə olunur, C.K. isə hadisə yerində dünyasını dəyişib.

Polis cinayətin törədilməsində istifadə olunan silahları – ov tüfəngini və pistoleti maddi sübut kimi götürüb.

İstintaq Gürcüstan Cinayət Məcəlləsinin 108 və 236-cı maddələri ilə aparılır” – DİN-in məlumatında qeyd olunub.