Daxili İşlər Nazirliyinin Sərhəd Polisinin əməkdaşları xarici ölkə vətəndaşı, 1976-cı il təvəllüdlü M.Q.-nı saxlayıblar, ona xüsusilə külli miqdarda narkotik vasitənin qanunsuz əldə edilməsi və saxlanılması ittihamı irəli sürülür.

Müəyyən edilib ki, təqsirləndirilən şəxs “Kazbegi” sərhəd-keçid məntəqəsindən keçməklə, Rusiya Federasiyasına öz idarə etdiyi avtomobilin ehtiyat təkərində gizlətmə yolu ilə qanunsuz əldə etdiyi, xüsusilə külli miqdarda, 4 bükümdə qablaşdırılmış, 2 kiloqrama qədər narkotik vasitə – marixuananı çıxarmaq istəyib.

Hüquq-mühafizə orqanlarının əməkdaşları narkotik vasitəni maddi sübut kimi götürüblər.

İstintaq Cinayət Məcəlləsinin 260-cı maddəsinin 3-cü hissəsinin “a” bəndi ilə aparılır ki, bu da 8 ildən 20 ilədək və ya ömürlük azadlıqdan məhrumetmə cəzasını nəzərdə tutur.

Məlumatı Sərhəd Polisinin mətbuat xidməti yayıb.