Daxili İşlər Nazirliyinin Miqrasiya Departamenti, eləcə də nazirliyin digər bölmələri ilə sıx koordinasiya ilə ötən ay Gürcüstandan müxtəlif ölkələrin 97 vətəndaşı çıxarılıb – bu haqda məlumatı DİN yayır.

Qurumun məlumatına əsasən, xarici ölkə vətəndaşlarının bir hissəsi Gürcüstanı könüllü tərk edib, bir hissəsi isə Miqrasiya Departamentinin əməkdaşları tərəfindən keçirilən tədbirlər nəticəsində məcburi qaydada ölkədən çıxarılıb. Ölkədən çıxarılan şəxslərə qanuna uyğun olaraq ölkəyə giriş qadağası qoyulub.

Hindistan, Belarus, Çin, Tacikistan, Azərbaycan, Rusiya, Banqladeş, Amerika Birləşmiş Ştatları, İraq, İran, Nigeriya, Türkmənistan, Türkiyə, Misir, Pakistan, Kamerun, İordaniya və Qırğızıstandan – ümumilikdə 97 vətəndaş Gürcüstandan çıxarılıb.

“Gürcüstan Daxili İşlər Nazirliyinin Miqrasiya Departamenti ölkə daxilində qanunsuz miqrasiyaya qarşı mübarizəyə cavabdeh olan orqandır. Onun vəzifələrindən biri, Gürcüstanda hüquqi əsas olmadan olan xarici ölkə vətəndaşlarının aşkar edilməsini və ölkədən çıxarılmasını həyata keçirməkdir” – DİN tərəfindən yayılmış məlumatda deyilir.