Daxili İşlər Nazirliyi Melikişvili prospektində sentyabrın 8-9-da inkişaf etmiş hadisələrlə əlaqədar başladılmış istintaq çərçivəsində üç nəfəri saxlayıb. Bu barədə bəyanatı DİN yayır.

Qurumun məlumatına əsasən, qrup halında törədilmiş zorakılıq ittihamı ilə saxlanılıb: 1965-ci il təvəllüdlü Z.M. və 2003-cü il təvəllüdlü İ.B. Əşyaya ziyan vurmaq və ya məhv etmək ittihamı ilə isə 2002-ci il təvəllüdlü İ.D.

“İstintaq tərəfindən əldə edilmiş sübutlarla müəyyən edilib ki, saxlanılan Z.M. və İ.B sentyabrın 8-də Melikişvili prospektində keçirilən etiraz aksiyası zamanı aksiya iştirakçılarına qarşı zorakılıq törədiblər. İ.D.-yə gəlincə, o, Melikişvili prospektində “Gürcü Arzusu – Demokratik Gürcüstan” partiyasının Tbilisi merliyinə namizədinin seçki pankartına zərər vurub.

Daxili İşlər Nazirliyi baş vermiş faktlarla əlaqəsi olan bütün şəxsləri istintaqla əməkdaşlıq etməyə və çağırılan kimi Daxili İşlər Nazirliyinin müvafiq bölməsinə getməyə çağırır.

İstintaq Cinayət Məcəlləsinin 126-cı maddəsinin birinci prima hissəsi, 162-ci prima maddə və 187-ci maddə ilə aparılır.

Bununla yanaşı, Daxili İşlər Nazirliyi baş vermiş cinayət əməllərində iştirak edən digər şəxslərin aşkarlanması və onların məsuliyyətə cəlb edilməsi məqsədilə intensiv istintaq hərəkətlərini davam etdirir. Hər bir qanun pozuntusu faktı polis tərəfindən müvafiq hüquqi reaksiya ilə müşaiyət olunacaq” – Daxili İşlər Nazirliyinin bəyanatında deyilir.