Daxili İşlər Nazirliyinin Tbilisi Polis Departamentinin əməkdaşları Tbilisidə Cavcavadze prospektində yerləşən “Liberty Bank”ın baş ofis binasında baş verən yanğınla əlaqədar istintaqı Cinayət Məcəlləsinin 187-ci maddəsi ilə başladıblar, bu da başqasının əşyasına ziyan vurmaq və ya məhv etmək deməkdir.

Daxili İşlər Nazirliyinin məlumatına əsasən, yanğınla bağlı bildiriş İctimai Təhlükəsizliyin İdarəedilməsi Mərkəzi 112-yə gecə saatlarında daxil olub.

Onların məlumatına əsasən, bildiriş aldıqdan sonra ən qısa müddətdə Fövqəladə Halların İdarəedilməsi Xidmətinin yanğınsöndürən-xilasediciləri hadisə yerinə gediblər və aktiv yanğınsöndürmə işlərinə başlayıblar. Həmçinin, Daxili İşlər Nazirliyinin digər müvafiq bölmələri hadisə yerinə səfərbər edilib.

“Yanğının başqa sahəyə yayılması təhlükəsi var idi, lakin yanğınsöndürən-xilasedicilər yanğını vaxtında söndürə bildilər. Hadisə nəticəsində heç kim xəsarət almayıb. Hüquq-mühafizə orqanlarının əməkdaşları tərəfindən əldə edilmiş məlumata əsasən, “Liberty Bank”ın binasının mərtəbələrindən birində təmir işləri aparılırmış, qaynaq aparatından istifadə edilib. Alovlanmaya ehtimal ki, qaynaq aparatından yaranan alov qığılcımları səbəb olub və yanğın digər mərtəbələrə yayılıb. Hüquq-mühafizə orqanlarının əməkdaşları müxtəlif istiqamətlərdə əməliyyat-istintaq hərəkətləri aparırlar. Yanğına səbəb olacaq bütün mümkün digər variantlar üzərində işləyirlər. Yanğının dəqiq səbəbini müəyyən etmək üçün müvafiq tədbirlər görülür və ekspertiza təyin edilib” – Daxili İşlər Nazirliyinin məlumatında deyilir.