Daxili İşlər Nazirliyi – Nazirliyin Mərkəzi Cinayətkarlığa Qarşı Polis İdarəsi və Acarıstan Polis Departamentinin əməkdaşları, Maliyyə Nazirliyinin Gəlirlər Xidmətinin Gömrük Departamentinin əməkdaşları ilə birlikdə, böyük və xüsusilə böyük miqdarda narkotik vasitələrin Gürcüstana qanunsuz gətirilməsinin qarşısını alıblar. Bu barədə məlumatı Daxili İşlər Nazirliyi yayıb.

Qurumun məlumatına görə, polis 1983-cü il təvəllüdlü, əvvəllər məhkum olunmuş Z.Ç.-ni – Kutaisinin Beynəlxalq Aeroportunda, həmçinin 2001-ci il təvəllüdlü Türkiyə vətəndaşı S.D.-ni “Sarp” gömrük-keçid məntəqəsində saxlayıb.

“Hüquq-mühafizə orqanları şübhəlilərin əl yükü və şəxsi yoxlaması zamanı xüsusilə böyük miqdarda müxtəlif növ narkotik vasitələri, o cümlədən ‘kokain’, ‘heroin’ və ‘metadon’ maddələrini maddi sübut kimi götürüblər.

İstintaq Cinayət Məcəlləsinin 260 və 262-ci maddələri üzrə aparılır ki, bu da 20 ilə qədər və ya ömürlük həbs cəzasını nəzərdə tutur”, – Daxili İşlər Nazirliyinin məlumatında qeyd olunur.