Daxili İşlər Nazirliyinin Mərkəzi Kriminal Polis Departamentinin Mütəşəkkil Cinayətkarlıqla Mübarizə Baş İdarəsinin İnsan Alverinə və Qanunsuz Miqrasiyaya Qarşı Mübarizə İdarəsinin əməkdaşları, Baş Prokurorluqla birlikdə həyata keçirilən operativ tədbirlər və istintaq hərəkətləri nəticəsində, məhkəmə qərarı əsasında altı nəfəri saxlayıblar. Bu barədə məlumatı Daxili İşlər Nazirliyinin mətbuat xidməti yayıb.

Qurumun məlumatına görə, mütəşəkkil dəstə tərəfindən dələduzluğa cəhd faktı ilə aşağıdakı şəxslər saxlanılıb: Ermənistan vətəndaşı, 2005-ci il təvəllüdlü G.H., Ukrayna vətəndaşı, 1986-cı il təvəllüdlü T.K., əvvəllər məhkum olunmuş Rusiya vətəndaşı, 1994-cü il təvəllüdlü T.A., 2004-cü il təvəllüdlü K.K., 1996-cı il təvəllüdlü A.T. və əvvəllər məhkum olunmuş, 1992-ci il təvəllüdlü G.A.

“Cinayət 10 ilədək azadlıqdan məhrumetməni nəzərdə tutur. İntensiv rejimdə aparılan istintaq nəticəsində müəyyən olunub ki, Tbilisidə yerləşən barlardan birinin sahibi, təqsirləndirilən T.A.-nın işçiləri ilə birlikdə, əvvəlcədən hazırlanmış dələduzluq planına malik olub, rollar bölüşdürülüb və bara daxil olan vətəndaşlara müxtəlif məbləğlərdə ödənişlər qanunsuz şəkildə yüklənirdi. Əgər qonaqlar ödənişdən imtina edirdilərsə, işçilər onlara psixoloji təzyiq göstərirdilər və bu yolla tələb olunan pulu almağa çalışırdılar. Araşdırma Gürcüstan Cinayət Məcəlləsinin 19-180-ci maddəsi ilə davam edir,” – deyə məlumatda qeyd olunur.