Daxili İşlər Nazirliyinin Acara Polis Departamentinin Xelvaçauri Rayon Şöbəsinin əməkdaşları aparılan əməliyyat tədbirləri və istintaq hərəkətləri nəticəsində, xüsusilə böyük miqdarda narkotik vasitənin qanunsuz əldə edilməsi, saxlanması və qanunsuz satılmasına cəhd ittihamı ilə 2002-ci il təvəllüdlü, Ukrayna vətəndaşı O.S.-ni saxlayıblar. Bu barədə məlumatı DİN yayır.

Qurumun məlumatında, cinayətin 20 ilədək və ya ömürlük azadlıqdan məhrum etməni nəzərdə tutduğu deyilir.

“Hüquq-mühafizə orqanlarının əməkdaşları təqsirləndirilən şəxsin üzərində və müvəqqəti yaşadığı evdə, eləcə də onun tərəfindən göstərilən yerlərdən sübut kimi konfet kağızlarına qablaşdırılmış və müxtəlif yerlərdə satış məqsədilə yerləşdirilmiş xüsusilə böyük miqdarda narkotik vasitə — “metadon”u götürüblər.

Polis təqsirləndirilən şəxsin müvəqqəti yaşadığı evdə axtarış nəticəsində həmçinin, elektron tərəziləri və narkotik vasitənin qablaşdırılması üçün lazım olan materialları sübut kimi götürüb.

İstintaq Cinayət Məcəlləsinin 260-cı və 19-260-cı üçüncü maddələri ilə aparılır” – DİN-in məlumatında qeyd olunub.