Daxili işlər naziri Qeka Qeladze Macarıstanın Gürcüstandakı fövqəladə və səlahiyyətli səfiri Petra Ponevaç-Panas ilə tanışlıq görüşü keçirib.

Nazir Macarıstan səfirini Gürcüstanda diplomatik fəaliyyətə başlaması münasibətilə təbrik edib və ona uğurlar arzulayıb.

Görüş çərçivəsində tərəflər iki ölkə arasında sıx dostluq əlaqələrinin əhəmiyyətindən danışıblar. Hüquq-mühafizə sahəsində mövcud əməkdaşlığa və gələcək əlaqələrin daha da dərinləşdirilməsinə diqqət yetirilib.

Daxili işlər naziri Gürcüstan və Macarıstanın hüquq-mühafizə orqanları arasında güclü tərəfdaşlıq əlaqələrinin yarandığını və bunun gürcü tərəfi üçün vacib olduğunu qeyd edib. Söhbət zamanı qurumun prioritet istiqamətlərinə və Macarıstan tərəfi ilə əməkdaşlığın genişləndirilməsi perspektivlərinə toxunulub.