Cuanşer Burçuladze – Milli Qvardiyanın bazasındakı təlim mərkəzlərinin inkişaf etdirilməsi və daha çox avadanlıqla təchiz edilməsi planlaşdırılır

Gürcüstanın müdafiə nazirinin sözlərinə görə, fəal ehtiyat sahəsində mühüm struktur islahatları həyata keçirilib və proqramın icrası üçün səmərəli imkanlar yaradılıb. Bu barədə Gürcüstanın müdafiə naziri Cuanşer Burçuladze parlamentdə hesabatın təqdimatı zamanı bildirib.

Nazirin sözlərinə görə, təlim mərkəzlərinin Milli Qvardiyanın bazasında inkişaf etdirilməsi və daha çox avadanlıqla təchiz edilməsi nəzərdə tutulur.

“Milli Qvardiyada səfərbərlik ehtiyatının müvafiq məlumat bazası uğurla yaradılır ki, bu da zəruri hallarda zəruri hərbi biliklərə və peşələrə malik vətəndaşların müəyyənləşdirilməsinə, şərti qüvvələrin çevik və davamlı surətdə artırılmasına şərait yaradacaq. İcbari xidmət sahəsində isə Müdafiə Məcəlləsinə dəyişiklik layihəsi hazırlanıb və icraata hazırdır. Çağırışçılar üçün Milli Hərbi Xidmət yaradılacaq, onun müddəti 12 ay deyil, 8 ay olacaq və yalnız Müdafiə Nazirliyi sistemində fəaliyyət göstərəcək. Gənclər xidmət zamanı yalnız hərbi tapşırıqları yerinə yetirməklə yüksək səviyyədə ilkin döyüş hazırlığı (BCT) keçəcəklər. Müdafiə Nazirliyi könüllülər və qeyri-hökumət təşkilatları ilə fəal əməkdaşlıq edir. Milli Qvardiya artıq könüllü təşkilatlarla əlaqə xidməti yaradıb ki, bu da könüllü təşkilatların müdafiə qüvvələrinə inteqrasiyası prosesində birbaşa iştirak edir”, – nazir bildirib.