Cozef Borrell – Təəssüf ki, Avropa İttifaqında Ukraynaya dəstək ilə bağlı artıq yekdillik yoxdur, çünki Macarıstan Braziliya-Çin təşəbbüsünü açıq şəkildə dəstəkləməyə qərar verdi

Təəssüf ki, Avropa İttifaqında Ukraynaya dəstək ilə bağlı artıq yekdillik yoxdur, çünki bir ölkə, Macarıstan Braziliya-Çin təşəbbüsünü açıq şəkildə dəstəkləməyə qərar verdi. Bu haqda Avropa İttifaqının Xarici Siyasət və Təhlükəsizlik Məsələləri üzrə ali nümayəndəsi Cozef Borrell öz bloqunda yazır.

Borrell bloqunda BMT-nin Baş Assambleyası çərçivəsində keçirilən görüşlər və orada Ukrayna məsələsinin müzakirəsi haqqında yazır.

“Bu həftə ərzində Rusiyanın Ukraynaya qarşı apardığı təcavüzkar müharibə, əlbəttə, müzakirələrdə ən mühüm məsələlərdən biri idi. Xüsusilə də çərşənbə axşamı Ukraynanın xilası uğrunda mübarizəyə və prezident Zelenskinin təkliflərinə tam dəstəyimizi təsdiqlədiyim BMT-nin Təhlükəsizlik Şurasının iclasında. Təəssüf ki, Avropa İttifaqında Ukraynaya dəstək ilə bağlı artıq yekdillik yoxdur, çünki bir ölkə, Macarıstan Braziliya-Çin təşəbbüsünü açıq şəkildə dəstəkləməyə qərar verdi” – Borrell yazır.

Avropa İttifaqının ali nümayəndəsi qeyd edib ki, Rusiyanın müdaxiləsi özlüyündə beynəlxalq hüququn və BMT Nizamnaməsinin irimiqyaslı pozulmasıdır, lakin Rusiya tərəfindən bu müharibənin aparıldığı hər gün beynəlxalq hüququn yeni irimiqyaslı pozuntularını yaradır.

Bloqda Borrell xüsusilə qışdan əvvəl enerji infrastrukturunun məhvinə diqqət yetirib.

“Putin Ukraynanın müqavimətini qırmağa və döyüş meydanında əldə edə bilmədiklərinə energetikanın çöküşü ilə nail olmağa çalışır” – Cozef Borrell yazır.