Rusiyaya münasibətdə soyuqqanlı düşünməliyik və təxribatlara cavab verməməliyik – bu haqda İtaliyanın Baş naziri Corcia Meloni deyib.

İtaliya hökumətinin başçısı bildirib ki, Rusiya tərəfindən təxribatların artırılmasında məqsəd Avropa ölkələrinin Ukraynaya daha çox hava hücumundan müdafiə sistemi göndərməsinin qarşısını almaqdır, eləcə də Moskva yay hücumunun uğursuzluğunu gizlətmək istəyir.

“Biz özümüzü təchiz etməliyik, bu, əlbəttə, belədir. Dron divarları ilə bağlı deyilməli olan bir şey odur ki, ittifaqın sərhədlərinin çox geniş olduğunu unutmamalıyıq. Beləliklə, əgər səhv edib yalnız şərq cinahını nəzərə alsaq və məsələn, cənub cinahının da mövcud olduğunu unutsaq, o zaman qətiyyətli davrana bilməmək riski ilə üzləşirik. İstənilən halda, bu, həqiqətən çox geniş müzakirə mövzusu olacaq. Bildiyiniz kimi, yekun qərarlar planlaşdırılmayıb, bu səbəbdən bu bizə çox səmimi və məzmunlu müzakirə aparmaq imkanı verir” – Corcia Meloni bildirib.