Con Kirbi – Co Baydenin Polşaya səfəri çərçivəsində, Ukraynaya səfəri planlaşdırılmır

ABŞ prezidenti, Co Baydenin Polşaya səfəri çərçivəsində, Ukraynaya səfəri planlaşdırılmır, – bu barədə ABŞ Milli Təhlükəsizlik Şurasının strateji kommunikasiyalar üzrə koordinatoru, Con Kirbi bəyan etdi.

Ağ Ev nümayəndəsinin sözlərinə görə, Bayden polyak həmkarı, prezident Anjey Duda və bölgənin digər liderləri ilə görüşəcək.

“Prezident Bayden prezident Zelenski ilə görüşməyəcək. Səfər zamanı prezident Zelenski ilə görüş hazırda planlaşdırılmır. Prezident Bayden Varşavaya səfər edəcək”, – Con Kirbi bəyan etdi.

Ağ Evin məlumatına görə, Amerika Birləşmiş Ştatlarının prezidenti Polşaya fevralın 20-də rəsmi səfər edəcək. Bundan əvvəl prezident Baydenin Rusiyanın Ukraynada genişmiqyaslı müharibəyə başlamasının ildönümü üçün Polşaya səfər etməyi planlaşdırdığı barədə məlumatlar yayılırdı.