Fikrimcə, Putin uğur qazanacağını və NATO-nu sındıra biləcəyini hesab edir, o, bunu edə bilməyəcək – bu barədə ABŞ Prezidenti Co Bayden Vilnüs zirvə görüşündən əvvəl NATO-nun baş katibi Yens Stoltenberqlə birgə mətbuat konfransında açıqlayıb.

Co Bayden Alyansın baş katibinə müraciət edərək qeyd edib ki, Yens Stoltenberqin rəhbərliyi böyük əhəmiyyət kəsb edir.

“Qeyd etmək istərdim ki, Ukraynada davam edən müharibə fonunda siz NATO-ya rəhbərlik etməyə davam edirsiniz. Sizə güvənirlər və qarşılaşdığımız vəziyyəti sizdən yaxşı heç kim başa düşmür. İsveç və Finlandiyanın alyansa qoşulması həqiqətən də tarixi bir məqamdır. Bu səbəbdən liderliyiniz olduqca böyük əhəmiyyət kəsb edir. Biz Ukraynanın NATO-ya gələcək üzvlüyünün mümkünlüyü ilə bağlı təklif etdiyiniz mətnlə razılaşdıq. Biz NATO-nun birliyi üzərində işi davam etdirməyi gözləyirik. Siz ABŞ Prezidentindən dəfələrlə eşitmisiniz və fikrimcə, Putin uğur qazanacağını və NATO-nu sındıra biləcəyini hesab edir, o, bunu edə bilməyəcək. Xüsusilə də sizinlə” -deyə Co Bayden açıqlayıb.