Minnesota ştatında Nümayəndələr Palatasının üzvü Melissa Hortman və onun həyat yoldaşının qətlində şübhəli şəxs 57 yaşlı Vans Bolterdir – bu barədə məlumatı CNN yayıb. Nəşrin xəbərinə görə, o, eyni zamanda senator Con Hoffmana və onun həyat yoldaşına da hücum edib. Onlar ağır yaralanıblar və cərrahi müdaxiləyə ehtiyac duyulub.

Hücum edən şəxs hər iki qanunvericiyə onların yaşayış evlərində hücum edib və sonra hadisə yerindən qaçıb. Onun yerinin müəyyən edilməsi üçün Federal Təhqiqat Bürosu (FBI) 50 min dollar mükafat təklif edib.

CNN-in xəbərinə görə, hücumçunun avtomobilində potensial hədəflərin 70 nəfərlik siyahısı tapılıb və onların hamısının abort və ailə planlaşdırılması ilə bağlı qanun layihəsinə müəyyən bağlılığı var. Şübhəlinin dostunun mediaya dediyinə görə, o, Respublikaçıların tərəfdarı olub və abortların qadağan edilməsini dəstəkləyirmiş.

Minnesota qubernatoru Tim Walz hadisəni siyasi motivli hücum adlandırıb, sabiq prezident Donald Tramp isə bunu “tamamilə dəhşətli” hadisə kimi qiymətləndirib.