ABŞ Prezidenti Donald Tramp İrana diplomatik danışıqları bərpa etmək üçün məhdud müddət verir, Tehran bu müddət ərzində “birgə təklif” təqdim etməlidir. “CNN” bu barədə mənbələrə istinadən məlumat yayır.

Mənbələrin məlumatına əsasən, administrasiya atəşkəsi qeyri-müəyyən müddətə uzatmaq niyyətində deyil.

“CNN”in yazdığı kimi, Donald Trampın ən yaxın müşavirləri hesab edirlər ki, İran rəhbərliyi daxilində fikir ayrılığı var – Tehran hələ ortaq mövqe formalaşdırmayıb və bu da yekun razılaşmaya maneə olur.

“CNN”in məlumatına əsasən, Donald Trampın komandası etiraf edir ki, Amerika Birləşmiş Ştatları tərəfindən tətbiq edilən dəniz blokadasının uzadılması dünya iqtisadiyyatına getdikcə daha ağır təsir göstərir.